Larunbata, Abenduaren 29a. Ez zen edonolako eguna izan Bilbon Euskal jaia bizi genuen eta. Euskal Herria eta Kataluniaren arteko futbol partidaren inguruan ekitaldi ezberdinak (manifa, txosnak, kontzertuak…) eguna askorentzat ahaztezin bihurtuko zituztenak.
Egun osoan zehar egindako aldarrikapenak, geure oihurik sakon eta bortitzenak, entzunararazi genizkien geure herriaren eskubideak behin eta berriro ukatzen eta zapaltzen dizkigutenei. Argi geratu zen, eta ez da lehenengo aldia, Euskaldunok zer nahi dugun eta hori lortu arte borrokan jarraituko dugula.
Kataluniar ugari ere egon zen egun osoan zehar Bilboko kaleetan zehar aldarrikapenetan parte hartuz. 5000 inguru izan omen ziren eta euren borrokarako gogoa ere nabaria izan zen. Jai giroan ederki murgildu ziren eta seguraski ekintza ezberdinetan parte hartu genuen beste guztiak bezalaxe, ederki gogoratuko dute 2007.ko Abenduaren 29an Bilbon bizi izan genuen egun paregabea.
